“Do të ndodhë një ditë”/ Jovanoviç thirrje Serbisë pas deklaratave të Ramës për bashkimin me Kosovën: Duhet të mbrojmë integritetin territorial dhe sovranitetin tonë!

Partia Popullore i ka kërkuar sot Qeverisë së Serbisë dhe Ministrisë së Jashtme që të reagojnë urgjent ndaj deklaratës së kryeministrit të Shqipërisë, Edi Rama, për të votuar për bashkimin e Shqipërisë dhe Kosovës. Ky lajm behet i ditur nga mediat serbe.

“Qeveria serbe nuk ka reaguar ndaj 13 marrëveshjeve të nënshkruara nga Shqipëria dhe autoritetet në Prishtinë, përfshirë marrëveshjen për heqjen e kontrollit kufitar, tha në një deklaratë me shkrim sekretari i përgjithshëm i partisë, Stefan Jovanoviç.

Ai vuri në dukje se ndërkohë që autoritetet në Tiranë dhe Prishtinë “po punojnë në mënyrë aktive për krijimin e një Shqipërie të Madhe”, autoritetet në Beograd po votojnë për anëtarësimin e Shqipërisë në Këshillin e Sigurimit të Kombeve të Bashkuara, si dhe për zhvillimin e një “aleance” me Shqipëria përmes projektit të Ballkanit të Hapur.

“Ne presim një reagim urgjent diplomatik dhe politik nga Qeveria e Serbisë dhe Ministria e Punëve të Jashtme në mbrojtjen e integritetit territorial dhe sovranitetit të Serbisë”, ka shtuar Jovanoviç.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.