Donald Trump po hetohet nga FBI-ja për spiunazh

Donald Trump

08:30 13/08/2022

FBI sekuestroi në rezidencën e tij në Florida edhe dokumente të klasifikuara si “top sekret”

Ish-presidentin amerikan Donald Trump po hetohet nga FBI-a për spiunazh. Akuza u zbulua pas heqjes së sekretit nga mandati që agjentët ekzekutuan për të ushtruar kontroll në shtëpinë e ish-presidentit.

Mësohet se në listën e dokumenteve të sekuestruara nga agjentët në rezidencën e ish-presidentit Trump në Florida, Mar-a-Lago, përfshihen materiale të shënuara si top sekrete, niveli më i lartë i ruajtjes së dokumenteve që mund të shihen vetëm në objekte të sigurta qeveritare.

Agjentët federalë që ekzekutuan urdhrin e bënë këtë për të hetuar krime të mundshme të lidhura me shkeljen e të ashtuquajturit Akti i Spiunazhit, i cili ndalon mbajtjen e paautorizuar të informacionit të sigurisë kombëtare që mund të dëmtojë Shtetet e Bashkuara ose të ndihmojë një kundërshtar të huaj.

Gjithashtu agjentët po hetojnë nëse është shkelur ligji federal që e bën krim shkatërrimin ose fshehjen e një dokumenti për të penguar një hetim qeveritar; dhe një ligj tjetër që lidhet me heqjen e paligjshme të materialeve qeveritare.

Pas kontrollit të së hënës FBI-ja sekuestroi gjithsej 11 grupe dokumentesh, duke përfshirë disa të shënuara si dokumente të “klasifikuara”. Në total, agjentët mblodhën katër grupe dokumentesh tepër sekrete, tre grupe dokumentesh sekrete dhe tre grupe dokumentesh konfidenciale.

Trump pohoi në një postim në faqen e tij të internetit “Truth Social” të premten se asnjë nga dokumentet e sekuestruara nuk ishte i klasifikuar.

Klan News

TĂ« ngjashmeBurimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *