Dorëheqja e Johnson, mbahet raundi i parë i votimeve për kreun e ri të Konservatorëve, ja kush kryesoi garën. Çfarë thonë sondazhet

doreheqja e johnson mbahet raundi i pare i votimeve per kreun e ri te konservatoreve ja kush kryesoi garen cfare thone sondazhet
doreheqja e johnson mbahet raundi i pare i votimeve per kreun e ri te konservatoreve ja kush kryesoi garen cfare thone sondazhet

Rishi Sunak ka fituar raundin e parë të zgjedhjeve për lidershipin konservator, ndërsa Jeremy Hunt dhe Nadhim Zahawi u eliminuan në garën për të zëvendësuar Boris Johnson.

The Times shkruan se Sunak fitoi 88 vota, ndërsa Penny Mordaunt mori 67 vota. Ndërkohë nesër është votimi i dytë. Liz Truss, sekretarja e jashtme, ishte e treta me 50 vota, vetëm 10 vota përpara Kemi Badenoch që kishte 40. Tom Tugendhat, eksperti i politikës së jashtme, kishte 37 vota dhe Suella Braverman, prokurorja e përgjithshme, arriti që të merrte 32.

Nadhim Zahaëi, kancelari dhe Jeremy Hunt, ish- sekretari i jashtëm, të dy nuk arritën të kapin pragun prej 30 votash të kërkuar për të kaluar në raundin tjetër. Zahaëi mori 25 vota dhe Hunt vetëm 18, më pak se 20 nominimet që e ndihmuan atë në votim.

Një votim i dytë do të zhvillohet nesër, i cili do të pasohet nga një i tretë të hënën derisa kandidatët të zvogëlohen dhe më pas do të ngelen dy persona. Dy të fundit do të shkojnë në votim para anëtarëve konservatorë.

Një sondazh i YouGov sot pohoi se Mordaunt do të mundte me lehtësi çdo rival. Megjithatë, nëse Mordaunt eliminohet para kësaj, Truss do të mundte Sunak sipas sondazhit. Në vitin 2019 Boris Johnson fitoi me lehtësi çdo raund të zgjedhjeve për lidership, dhe në 2016 Theresa May po ashtu. Megjithatë në vitin 2005, David Cameron ishte i dyti në votimin e parë përpara se të dilte i pari, ndërsa në vitin 2001 Iain Duncan Smith përfundoi i dyti në çdo votim të deputetëve përpara se të mundte Ken Clarke midis anëtarëve të partisë.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts