Policia Rrugore ka vijuar kontrollet me qëllim parandalimin e shkeljeve të rregullave të qarkullimit.
Autoritetet bëjnë me dije se ka shkuar në 26 numri i drejtuesve të automjeteve që kanë rezultuar nën efektin e drogave.
Gjithashtu raportohet se dy persona kanë rënë në pranga, bëhet fjalë për shtetasit Xh.B., dhe S.L.
NJOFTIMI:
Policia Rrugore vijon kontrollet e dedikuara, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore.
Si rezultat i kontrolleve të dedikuara, janë arrestuar në flagrancë dy shtetas që drejtonin automjetet, në efektin e lëndëve narkotike.
Shkon në 26 numri i drejtuesve të automjeteve që kanë rezultuar në efektin e drogave, pas testimit me aparatin AquilaScan, gjatë këtij viti.
Shërbimet e Policisë Rrugore, në vijim të kontrolleve për evidentimin dhe ndëshkimin e drejtuesve të automjeteve që shkelin rregullat e qarkullimit rrugor apo drejtojnë automjetet, në mënyrë të parregullt, arrestuan në flagrancë shtetasit Xh. B., dhe S. L.
Këta shtetas u ndaluan për kontroll pasi janë konstatuar nga shërbimet e Policisë Rrugore, duke drejtuar automjetet e tyre, në mënyrë të parregullt. Pas testimit me aparatin AquilaScan, rezultoi se këta shtetas drejtonin automjetet, në efektin e lëndëve narkotike.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Burimi informacionit @BalkanWeb: Lexo me shume ne :bota sot www.botasot.al
