Dyshohen se kanë vrarë një 20-vjeçar, policia norvegjeze publikon foton dhe shpall në kërkim 2 shqiptarët (EMRAT)

Vëllezërit Valon dhe Visar Avdyli me origjinë nga Kosova, janë shpallur në kërkim nga autoritetet norvegjeze nën akuzën për vrasje. Megjithatë, vëllezërit nga ana e tyre kanë mohuar të kenë gisht për vrasjen e Hamse Hashi Adan, 20 vjeç, për të cilën edhe janë implikuar.

Gjatë 7 tetorit, Hamse Hashi Adan u qëllua derisa po qëndronte me disa persona tjerë para shkollës Lofsrud në Mortensrud. Të nesërmen ai ndërroi jetë nga plagët e marra.

Pas dy javëve hetime intensive, policia arriti të arrestojë një person rreth të 40-ve nga Oslo. Ai tani është në paraburgim. Ndërsa tashmë, policët janë në kërkim edhe të dy personave tjerë të cilët akuzohen për këtë vrasje. Ata kërkohen nga policia norvegjeze. TV 2 raporton se policia beson se dy vëllezërit
Valon dhe Visar Avdyli janë të përfshirë në këtë rast.

Në vitin 2016, Valon Avdyli, 35-vjeç, ishte dënuar për pjesëmarrje në organizatën terroriste ISIS. Ai ishte dënuar me katër vite e gjashtë muaj burgim.
Ndërkaq vëllai i tij i vogël Visar Avdyli, 31-vjeç, ishte dënuar me tetë muaj burgim për të njëjtin rast.

Gjykata besonte se ai ishte munduar t’i dërgoj materiale organizatës terroriste. Në vitin 2017, u dënua për një rast tjetër të dhunës në Trondelarg, shkruan ndër tjera TV 2.
Ata janë vëllezërit e Egzon Avdylit, i cili u vra në Siri gjatë vitit 2014 si pjesë e ISIS-it.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *