“E bëri Belgjikën më të madhe dhe Francën më të vogël”, fermeri ndryshon aksidentalisht kufirin mes dy shteteve

Një fermer në Belgjikë për pak sa nuk shkaktoi një incident të madh ndërkombëtar, pasi ka ndryshuar aksidentalisht kufirin e vendit të tij me Francën.

Sipas kanalit televiziv francez TF1, fermeri ishte duke ecur në pyll kur guri që ndan kufirin mes dy shteteve i zuri rrugën traktorit të tij. Duke u gjendur në këto kushte, fermeri, pa e ditur se çfarë rëndësie kishte ky gur, e zhvendosi atë pak metra me tej. Por kjo gjë u prit me buzëqeshje në të dyja anët e kufirit.

“Ai e bëri Belgjikën më të madhe dhe Francën më të vogël, nuk është ide e mirë”, tha David Lavaux, kryetari i fshatit belg Erquelinnes. Autoritetet lokale belge planifikojnë të kontaktojnë fermerin për t’i kërkuar atij që të kthejë gurin në vendin e tij origjinal.

Kujtojmë se kufiri midis Francës dhe Belgjikës shtrihet në 620 km. Ai u krijua zyrtarisht nën Traktatin e Kortrijk, nënshkruar në 1820 pas disfatës së Napoleonit në Waterloo. Guri daton që nga viti 1819, kur kufiri u shënua me të për herë të parë.

  • foto galeri
  • foto galeri

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *