E para në Europë që rikthen bllokimin/ Letonia mbyll shkollat dhe bizneset, kryeministri: U kërkoj falje të vaksinuarve, por jemi në rrezik

Letonia ka njoftuar një bllokim një mujor nga Covid-19 pas një rritje të infeksioneve, duke u bërë vendi i parë në Evropë që rivendos kufizimet mes një valë të re të rasteve në të gjithë kontinentin.

Vendi baltik ka një nga nivelet më të larta të rasteve të reja Covid në raport me popullsinë në botë, sipas Qendrave Amerikane për Kontrollin dhe Parandalimin e Sëmundjeve (CDC), pasi e menaxhoi mirë pandeminë për muaj të tërë.

“Sistemi ynë shëndetësor është në rrezik. E vetmja rrugëdalje nga kjo krizë është të vaksinohemi,” tha kryeministri, Kršjānis Kariņš, Ai tha se shkalla e ulët e vaksinimit të vendit ishte fajtori për rritjen e shtrimeve në spitale.

Vetëm 57% e 1.9 milion letonezëve janë vaksinuar plotësisht, shumë më poshtë mesatares së BE -së prej 74%. Qeveria vendosi një shtetrrethim njëmujor gjatë natës, nga 8 pasdite në 5 të mëngjesit, këtë javë dhe mbylli shkollat dhe të gjitha dyqanet jo thelbësore.

“Unë duhet të kërkoj falje për të vaksinuarit tashmë,” tha Kariņš, duke shtuar se vetëm prodhimi thelbësor, ndërtimi dhe bizneset e nevojshme do të lejoheshin të punonin.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *