“E turpshme! Kryetari i PD u vendos me shpatulla pas murit!”- Fatbardh Kadilli thirrje Lulim Bashës për t’u ndarë nga Sali Berisha








basha kadilliFatbardh Kadilli, ish-kandidati për kryetari I PD-së, njëherësh anëtar i Kryesisë së selisë blu ka reaguar pas qëndrimit të fortë të ambasadores së SHBA-ve Yuri Kim, e cila kërkoi dhe zyrtarisht distancimin nga Sali Berisha dhe që ky i fundit të mos jetë në parlamentin e ri në shtator.

Sipas Kadillit, është e turpshme që kryetari I PD-së, të vihet me shpatulla pas murit nga ambasadorja e SHBA-ve, për një çështje që sipas tij Basha po e zvarrit prej kohësh.

Fatbardh Kadilli shkruan se PD duhet të ndahet nga trashëgimia e të shkuarës dhe të shohë përpara.

“Është e turpshme që kryetari i Partisë Demokratike vihet me shpatulla pas muri nga Ambasadorja e USA për një çështje që zvarritet prej kohe, për një çështje që bën sikur nuk është.

Është e pafalshme që vendimet e nesërme të jenë në kundërshtim me standardin dhe kërkesat e SHBA, vendit që ka një peshë të madhe në krijimin dhe mbështetjen e Partisë Demokratike.

Është e papranueshme që Kryetari, pas këtij takimi, të kryejë veprime dhe të marrë vendime të detyruara vetëm e vetëm për të ruajtur karrierën apo karrigen, por aspak pse ai beson me sinqeritet tek aleanca strategjike me SHBA.

Mbërritja në këtë situatë nuk e rrit besimin tek lidershipi i tij, por e zvogëlon atë edhe më shumë në raport me shqipërinë, SHBA dhe demokracinë.

Në Kuvendin Kombëtar u bëra thirrje demokratëve “për t’u ndarë nga çdo trashëgimi që na kompromenton, që na mban peng. Sado emocione të na lidhin me atë. Demokratë të shohim nga e ardhmja”- thekson Kadilli.

Kadilli Berisha ndarja

P Template

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *