Eksporti i vaksinave, tjetër përplasje mes Britanisë dhe BE-së

09:26 10/03/2021

Bashkimi Evropian dhe Britania e Madhe janë përplasur sërish, këtë herë për vaksinat e Covid. Ka qenë kreu i Këshillit Evropian, Charles Michel, që ka akuzuar Britaninë se kjo e fundit ka ndaluar plotësisht eksportimin e vaksinave që janë prodhuar në tokën e saj.

Por sipas BBC, Sekretari i Jashtëm Dominic Raab i ka shkruar Michel, dhe mësohet ti ketë që këto pretendime janë të rreme dhe nuk ekzistojnë.

Kjo është hera e dytë që nga fillimi i vitit që Britania e Madhe dhe BE janë në mosmarrëveshje për çështjen e prodhimit dhe shpërndarjes së vaksinave të koronavirusit.

Në janar, BE prezantoi një sistem të ri të kontrolleve mbi eksportet e vaksinave mes shqetësimeve mbi disponueshmërinë e furnizimeve në kontinent, duke u kërkuar prodhuesve të kërkojnë leje nga qeveritë kombëtare për shitjet e planifikuara.

Ndërkohë BE dhe me vende të tjera ka pasur përplasje. Rasti i fundit është bllokimi i 250 mijë dozave të AstraZeneca nga Italia të cilat do të eksportoheshin drejt Australisë.  Qeveria italiane nuk lejoi dërgimin e këtyre dozave gjë që solli reagim nga Australi e cila u ankua dhe tek Bashkimi Evropian.

Lufta e vaksinave tashmë ka një përhapje globale, pasi vendet e pasura kanë marrë sasinë më të madhe të dozave, nga ana tjetër shumë vende të varfra nuk e kanë nisur ende procesin e vaksinimit./tvklan.al









Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *