Elon Musk viziton kampin Aushvic

elon musk viziton kampin aushvic

elon musk viziton kampin aushvic

19:25 22/01/2024

Miliarderi Elon Musk ka vizituar këtë të hënë kampin famëkeq të përqëndrimit Aushvic të përdorur nga nazistët.

Vizita e Musk në kampin famëkeq që ndodhet në Poloni, ndodhi pak orë para se ai të merrte pjesë në një konferencë anti-semitizmit të organizuar nga Shoqata Europiane e Hebrenjve.

Musk u fotografua duke vizituar kampin në fshatin Birkenau në jug të Polonisë që është i rrethuar me tela me gjemba ku ndodhen dhomat e të burgosurve dhe një dhomë gazi, të cilat janë aty si një dëshmi e krimeve naziste, si dhe ka një monument për viktimat.

Elon Musk është kritikuar se ka lejuar dhe ka mbështetur teori konspiracioni dhe mesazhe antisemitike në rrjetin social X (ish-Twitter) që ai zotëron.

Gjatë Luftës së II Botërore, më shumë se 1.1 milionë njerëz u vranë nga nazistët në kampin e përqëndrimit Aushvic në Poloninë e pushtuar në atë kohë nga nazistët. Shumica e viktimave ishin hebrenj.

Rreth 6 milionë hebrenj europianë u vranë gjatë Holokaustit. Kur kampi Aushvic u çlirua nga sovjetikët, u gjetën rreth 7 mijë të mbijetuar.

/tvklan.al

Të ngjashmeBurimi informacionit @TvKlan: Lexo me shume ne :bopta sotwww.botasot.al

Spread the love

Similar Posts