Emigrantët “përçajnë” Parisin dhe Londrën

[embedded content][embedded content]

19:53 28/11/2021

Britania indinjohet pasi Franca nuk e ftoi në samitin për krizën

Thellohen çarja mes Francës dhe Britanisë së Madhe për shkak të mosmarrëveshjeve për emigrantët ilegalë që kalojnë në ngushticën e Kalesë.

Londra njoftoi se do të zhvillojë një samit më vete për këtë krizë, pasi u përjashtua nga takimi i ministrave të brendshëm i kësaj të Diele në Francë. Ministrja britanike Priti Patel tha se ngjarjet tragjike si ajo e të Mërkurës, ku humbën jetën 27 emigrantë nga mbytja e varkës së tyre që lundronte drejt brigjeve britanike, do të shumëfishohen, nëse nuk gjendet një zgjidhje e përbashkët mes Londrës, Parisit dhe Bashkimit Europian.

Ministri i brendshëm francez nuk i dërgoi ftesë për në samitin e të Dielës, homologes së tij britanike, pas një letre të publikuar të Premten nga kryeministri i Britanisë së Madhe Boris Johnson, që shkaktoi reagimin e ashpër të presidentit të Francës Emmanuel Macron.

Kërkesa e Johnson që Franca të pranojë emigrantët që nisen nga brigjet franceze dhe kapen nga Britania e Madhe, bëri që Macron t’a quajë shefin e qeverisë së Londrës ‘njeri me dy fytyra’. Sipas Macron, Johnoson vuri kushte paraprake, pavarësisht se në një komunikim të mëhershëm kishte pranuar që zgjidhjen ta gjenin bashkarisht.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published.