ERDOGAN FJALIM NË PARLAMENT/ Kuvendi vendos rregulla për gazetarët: Duhet të jenë të vaksinuar ose të paraqesin testin negativ








Ditën e hënë Shqipërinë do ta vizitojë Presidenti i Turqisë, Rexhep Taip Erdogan, i cili do të mbajë edhe një fjalë përshëndetëse në Parlament.

rama erdogan

Fjalimi i Erdogan do të jetë në orën 17:00, ndërsa Konferenca e Kryetarëve ka vendosur edhe rregulla për gazetarët. Ndër të tjera thuhet se në respekt të akteve normative të mbrojtjes nga pandemia Covid-19, gazetarët dhe kameramanët, të cilët ndjekin  seancën, duhet të paraqesin certifikatën e vaksinimit ose testin negativ, përpara zhvillimit të seancës.

“Mbështetur në vendimin e Konferencës së Kryetarëve të datës 12 tetor 2021, gazetarët dhe operatorët mund të ndjekin e transmetojnë punimet e seancës plenare nga galeria e sipërme e sallës së seancave.

Operatorët mund të marrin  plane me kamerat e tyre në fillimin e  seancës plenare, për një periudhë kohore deri në 5 minuta nga hapja e seancës.

Pas marrjes së planeve, operatorët do të shoqërohen nga punonjësit e Zyrës së Shtypit në ambientet e jashtme, ndërsa gazetarët mund të qëndrojnë në galeri gjatë gjithë kohëzgjatjes së seancës plenare.

Ju lutem, mbani parasysh që, në respekt të akteve normative të mbrojtjes nga pandemia Covid-19, gazetarët dhe kameramanët, të cilët ndjekin  seancën, duhet të paraqesin certifikatën e vaksinimit ose testin negativ, përpara zhvillimit të seancës.

Certifikata ose testi  do t’i dorëzohen punonjësit të Zyrës së Shtypit në hyrjen e sallës së seancave”, thuhet në njoftimin e Kuvendit.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published.