Erdogan jep lajmin: Kemi vrarë udhëheqësin ushtarak kurd në bombardime

Presidenti turk Rexhep Tajip Erdogan njoftoi sot se një anëtar i lartë i Partisë së Punëtorëve të Kurdistanit (PKK) ishte vrarë në një operacion të inteligjencës Turke në Irak. Sipas Erdogan, udhëheqësi ushtarak kurd Salman Bozkir, i njohur gjithashtu si “Mjeku Husein”, ishte në krye të PKK në Mahmur, një kamp refugjatësh kurdë në Irakun verior. “Ne nuk do të lejojmë që kjo organizatë separatiste dhe shkatërruese të përdorë Mahmur si një inkubator të terrorizmit. “Ne do të vazhdojmë të zhdukim terrorizmin në burimin e tij,” tha presidenti turk në një postim në Tëitter.

“Të gjithë terroristët do të kenë të njëjtin fund,” paralajmëroi shefi i komunikimit i presidencës turke, Fahrettin Altun.

Kampi Mahmur, i ngritur nga KB në vitet 1990 për të strehuar Kurdët Turq, u bombardua nga një dron turk të Shtunën. Një ligjvënës kurd nga kampi i tha AFP se tre civilë ishin vrarë në bombardime.

Ankaraja shpesh akuzon PKK për marrjen nën kontroll të kampit, 250 km në jug të kufirit turk. Turqia gjithashtu pretendon se Iraku mbetet joaktiv dhe nuk ka zgjidhje tjetër veçse të bëjë luftë në tokën Irakiane kundër PKK. Më parë javën e kaluar, Erdogan paralajmëroi se “nëse Kombet e Bashkuara nuk e pastrojnë këtë zonë (përfshirë kampin Mahmur), atëherë ne do ta marrim përsipër”.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *