Erdogan kërcënon mediat: Ndëshkim për këdo që promovon vlerat që janë në kundërshtim me kulturën turke

Presidenti turk, Tayyip Erdogan kërcënoi të shtunën mediat turke me hakmarrje nëse ato publikojnë përmbajtje që shkelin vlerat thelbësore të vendit, një veprim që mund të jetë një prelud për rritjen e censurës në këtë sektor.

Në një deklaratë të botuar në Gazetën Zyrtare, Erdogan tha se masat ishin të nevojshme për të mbrojtur “kulturën kombëtare” të Turqisë dhe për të parandaluar “efektet e dëmshme në zhvillimin e fëmijëve, si rezultat i ekspozimit ndaj përmbajtjeve të dëmshme në të gjitha mediat e shkruara, verbale dhe vizuale”.

Erdogan nuk specifikoi se cila do të ishte përmbajtja e dëmshme, por tha se do të ndërmerren veprime ligjore kundër “aktiviteteve të hapura ose të fshehta përmes mediave që synojnë të minojnë vlerat tona kombëtare, morale dhe të prishin strukturën tonë familjare dhe shoqërore”, raporton reuters.

Erdogan ka qenë në pushtet për gati 20 vjet dhe shpesh ka kritikuar përmbajtjen mediatike që nuk është në përputhje me vlerat konservatore islame të mbrojtura nga partia e tij, AKP.

Turqia ka forcuar kontrollin e saj mbi median vitet e fundit, me rreth 90 për qind të mediave më të mëdha tani në pronësi ose në pronësi të njerëzve të afërt me qeverinë.

Aleatët dhe kritikët e tij perëndimorë thonë se presidenti turk përdori një përpjekje të dështuar për grusht shteti në vitin 2016 për të burgos disidentët dhe për të minuar të drejtat sociale dhe tolerancën.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *