“Është ferr!”/ Dëshmitarë të ‘vdekjes’ së një qyteti, familjet ikin nga bombat në Irpin (FOTO)

Familje me fëmijë në karroca, nëna të reja me foshnja në krahë dhe të moshuar që lëviznin aq shpejt sa u lejonin vitet e tyre. Shumica të heshtur, disa të tjerë që qanin. Kjo është panorama e trishtë që vjen nga Irpinit, qytet i pushtuar nga frika, paniku dhe ankthi, pasi bombat ruse rrezikonin jetën e civilëve, raporton BBC. Të gjithë ishin dëshmitarë të vdekjes së një qyteti të granatuar.

“Gjithçka është e bombarduar”, tha Valentina, teksa vrapoi përpara nesh, duke ikur nga shtëpia dhe jeta e saj, ndërsa me vete kishte marrë vetëm një ccantë mbi supe. “Nuk ka drita, gaz dhe internet prej 2-3 ditësh. Njerëzit janë fshehur në bodrume dhe fëmijët janë të sëmurë atje.” shtoi ajo. Forcat ruse janë tashmë brenda qytetit.

“Një pjesë e Irpin u kap nga pushtuesit rusë, por një pjesë e qytetit po lufton dhe nuk dorëzohet”, tha kryetari i bashkisë, Oleksandr Markushyn, në një video që postoi në rrjetet sociale.

Ata që tentojnë të arratisen janë ende në shënjestër, siç e pa dje vetë kryebashkiaku. “Pushtuesit rusë qëlluan mbi civilët tanë vendas. Një familje u shua nga një predhë që goditi për vdekje prindërit dhe dy fëmijët e tyre”, tha kryebashkiaku.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.