“Faleminderit Shqipëri”/ Ambasada e SHBA reagon për mbërritjen e afganëve: Në kohë të tilla ne nuk kemi kombësi dhe fe! Flamuri amerikan ulet gjysmë shtizë për viktimat e sulmit terrorist










Ambasada amerikane në Tiranë ka reaguar pas ardhjes së grupit të parë të afganëve në Shqipëri. Përmes një statusi në Facbook, ambasada falënderon Shqipërinë për mikpritjen, ndërsa shkruan se në kohë të tilla nuk kemi kombësi, fe, ngjyrë apo raca.

Ambasada shprehet mirënjohëse për bujarinë dhe mikpritjen e pamasë të Shqipërisë dhe njerëzve të saj. Jemi qënie njerëzore- shkruan ambasada- që u shtrijmë dorën në ndihmë qënieve njerëzore si ne.

“Grupi i parë i qytetarëve afganë të cilët mbërritën mbrëmë në Tiranë, janë më shumë sesa njerëz të evakuuar. Ata janë jetë njerëzore të shpëtuara nga mundësia e pasojave tragjike. Ata janë gra, burra dhe fëmijë të cilëve u është ofruar diçka që ne e marrim të mirëqënë, një jetë. Mundësia për të jetuar dhe për të pasur një të ardhme. Dhe për këtë, ne si Ambasada Amerikane në Tiranë dhe Shtetet e Bashkuara, jemi mirënjohës për bujarinë dhe mikpritjen e pamasë të Shqipërisë dhe njerëzve të saj. Në kohë të tilla, ne nuk kemi kombësi, fe, ngjyra apo raca. Ne jemi qënie njerëzore që u shtrijmë dorën në ndihmë qënieve njerëzore si ne. Faleminderit Shqipëri”, thuhet në njoftim.

flamuri-ambasada-amerikane
Flamuri amerikan gjysme shtize

Po ashtu, ambasada ka njoftuar se sot është ulur në gjysmë shtizë flamuri amerikan, në nder të viktimave që humbën jetën nga sulmi terrorist në Kabul.

“Sot, flamuri në Ambasadë është i ulur në gjysëm shtizë, teksa vajtojmë amerikanët e ekipit të shërbimit, të cilët humbën jetët e tyre në sulmin e tmerrshëm terrorist në Kabul, ndërsa me vetëmohim përpiqeshin të shpëtonin jetët e të tjerëve. Ne vajtojmë edhe për afganët, përfshirë fëmijët e vegjël, të cilët humbën jetën apo u plagosën në këtë sulm mizor. Zemrat tona ndiejnë dhimbje për jetët e heronjve tanë, të humbura në shërbim të lirisë dhe në shërbim të Amerikës, dhe për jetët e qytetarëve afganë, të humbura në kërkim të sigurisë dhe një të ardhmeje për të cilën të gjithë kemi të drejtë. Prandaj sot zemrat tona janë të mbushura me hidhërim, por ato janë të mbushura edhe me mirënjohje”.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *