FDA autorizon vaksinat për fëmijët 5 deri në 11 vjeç

12:54 03/11/2021

Holanda rikthen maskat pas rritjes së infektimeve

Autoriteti amerikan i Barnave FDA i dha autorizimin përfundimtar vaksinave për fëmijët e moshave nga 5 deri 11 vjeç. Injektimi i dozave tek fëmijët e këtyre moshave pritet të nisë nga 8 Nëntori. Ky vendim që për presidentin amerikan Joe Biden shënon një pikë kthese në betejën kundër koronavirusin në gjithë vendin.

Në këtë vend po ashtu ka nisur injektimi i dozave të treta, kryesisht tek personat mbi 60 vjeç. Ndërsa firmat Pfizer dhe Moderna thonë se kanë të gjitha kapacitetet për të plotësuar nevojat për këto kategori. Në Shtetet e Bashkuara, shifrat e infektimeve të reja janë të qëndrueshme, në dallim nga Europa ku në të gjitha shtetet e kontinentit ka rritje shifrash.

Në Holandë, kryeministri Mark Rute vendosi rikthimin e masave për frenimin e përhapjes së COVID-19, pasi mesatarja e infektimeve ditore arriti në mbi 7 mijë për të parën herë nga Korriku. Nga 6 Nëntori rikthehet detyrimi i mbajtjes së maskave në ambientet publike, ndërsa zgjerohet gama e hapësirave ku nuk lejohet hyrja pa certifikatë vaksinimi.

Vatra e nxehtë e kontinentit vazhdon të jetë Rusia, ku pavarësisht masave të ashpra bllokuese të rivendosura, vdekjet ditore shënuan rekord të ri këtë të Mërkurë me 1 189 raste, teksa spitalet janë drejt ezaurimit të plotë të kapaciteteve, ndërsa shumica e popullsisë vazhdojnë të jenë skeptikë ndaj vaksinimit.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *