Një fermer australian thotë se është me fat që është gjallë pasi zmbrapsi një sulm krokodili duke e kafshuar edhe ai kafshën. Rritësi i bagëtive Colin Deveraux ka kaluar një muaj në spital pasi u kafshua nga krokodili 3.2 metra i ujit të kripur në Territorin Verior.
Ai tha për ABC News se kafshoi qepallën e krokodilit në luftën e tij për të mbijetuar. Deveraux tha se sprova e tij filloi pasi ai u ndal në një liqen ndërsa po udhëtonte për të ndërtuar gardh pranë lumit Finniss muajin e kaluar.
Ai ndaloi pranë liqenit pasi vuri re peshqit që notonin në mes të ujërave. Ndërsa po largohej, krokodili e “kapi” në këmbën e tij të djathtë, duke e tundur si një “kukull lecke” dhe duke e tërhequr në ujë. Deveraux i tha ABC-së se fillimisht u përpoq ta godiste krokodilin në brinjë me këmbën tjetër – përpara se të kafshonte zvarranikun.
“Isha në një pozicion kaq të vështirë… por rastësisht dhëmbët e mi e kapën qepallën e tij. Ishte goxha e trashë, si të mbahesha nga lëkura, por unë u ktheva në qepallë dhe ai e lëshoi. “Unë u hodha dhe u nisa me hapa të mëdhenj deri ku ishte makina ime. Ai më ndoqi për pak, ndoshta katër metra, por më pas ndaloi.”
Deveraux tha se ai përdori një peshqir dhe një litar për të ndaluar gjakderdhjen në këmbën e tij, përpara se vëllai i tij ta çonte atë 130 km në veri për në Spitalin Royal Darwin. “Nëse ai [krokodili] do të më kishte kafshuar diku tjetër do të kishte qenë ndryshe,” tha ai.
“Kjo do të thotë që unë duhet të ndryshoj atë që bëj. Unë kam ecur rreth atij vendi moçal për një kohë të gjatë duke rregulluar gardhe. Ngjarja më ka hapur sytë.”
Sipas pushtetit vendor, krokodilët janë baza për një industri të rëndësishme në Territorin Verior dhe mbrohen me ligj. Ato konsiderohen të jenë me interes të madh shkencor dhe njerëzor si dhe një atraksion i vlefshëm turistik. Sulmi i fundit fatal i krokodilit ndodhi në prill të këtij viti në lumin Kennedy në gadishullin Cape York, Queensland.
Burimi informacionit @BalkanWeb: Lexo me shume ne : Bota Sot News www.botasot.al
