Forcat ruse marrin robër vëzhguesit e OSBE në Donetsk dhe Luhansk

Shumë vëzhgues ushtarakë ndërkombëtarë nga Organizata për Sigurinë dhe Bashkëpunimin në Evropë (OSBE) janë arrestuar në Ukrainë, thotë organizata.

“OSBE është jashtëzakonisht e shqetësuar që një numri anëtarësh të misionit kombëtar SMM [Misioni Special i Monitorimit] janë privuar nga liria në Donetsk dhe Luhansk,” tha organizata me bazë në Vjenë.

Organizata shtoi se “po përdor të gjitha kanalet në dispozicion për të lehtësuar lirimin e stafit të saj”, por nuk dha më shumë detaje.

Në një deklaratë të veçantë dje, misioni i Mbretërisë së Bashkuar në OSBE dënoi “raportet alarmante” se “forcat ruse kanë marrë robër anëtarët e stafit të SMM”. Organizata thotë se vëzhguesit e saj atje kanë një mision civil të paarmatosur për të “vëzhguar dhe raportuar në mënyrë të paanshme dhe objektive mbi situatën”.

OSBE-ja vendosi misionin e saj në Ukrainën lindore në vitin 2014, por mandati i saj skadoi më 31 mars të këtij viti pasi Rusia e akuzoi atë për njëanshmëri dhe bllokoi zgjatjen e tij.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.