Klubi italian i Modenës, i cili aktualisht militon në Serinë C italiane, ka gjetur një metodë interesante për të afruar tifozët në stadium. Klubi ka vendosur ti ofroi çdo tifozi të skuadrës nga një birrë para startit të sfidës së kësaj jave kundër Imolese.
Kjo iniciativë lidhet dhe me festimin e 110-vjetorit të klubit, dhe është parë si një mundësi e mirë nga presidenca e klubit për të afruar sa më shumë tifozë në festë. Ngjarja do të mbahet para startit të ndeshjes dhe është njoftuar në Instagramin e klubit.
“Duam të festojmë me ju 110-vjetorin e klubit, në datën 9 prill përpara fillimit të ndeshjes.
Çdo tifozë mbi 18 vjeç do të marrë një birrë falas në hyrje të stadiumit.”, u shpreh klubi në njoftimin e tij.
PANORAMASPORT.AL
© Panorama.al Burimi informacionit @Panorama.al: Lexo me shume: botasot.al
