Boris Johnson është larguar për herë të fundit me pushime nga Downing Street para se të dorëzojë në fillim të shtatorit detyrën te pasardhësi i tij si kryeministër por edhe në krye të Konservatorëve.
Ai është fotografuar me djalin e tij Wilfred që është “kopja e tij e vogël” për shkak të flokëve të ngjashme teksa niset i qetë dhe i çliruar nga të gjitha detyrimet politike për pushimet verore.
Me djalin e tij dyvjeçar në krah, BoJo ka dalë nga dera e pasme e Downing Street. Ashtu si babai i tij, vogëlushi duket se nuk e ka aq shumë qejf erën që fryn, pasi kaçurellat e tij bjonde “bezdisen” dhe shpupuriten lehtë.
Djaloshi i vogël u pa për herë të fundit dy javë më parë në ceremoninë e dorëheqjes së Boris Johnson pasi deputetët e tij konservatorë u kthyen kundër tij pas një vargu skandalesh disamujorë.
Pas dhënies së deklaratës së tij, kryeministri u përshëndet nga gruaja Carrie si dhe Wilf dhe vajza shtatë muajshe Romy brenda Nr.11 – shtëpia që së shpejti do të duhet të lirojnë.
Një burim i brendshëm tha për natën para dorëheqjes së tij mahnitëse: “Boris më pas foli për gjendjen e tij të vështirë me Carrie-n, e cila ka një tru të mprehtë politik. Ajo i tha atij se mendonte se ndeshja kishte përfunduar, por ata ranë dakord ta tentonin edhe njëherë golin”.
Në fillim të këtij muaji u raportua se kryeministri planifikoi të ndërtonte një shtëpi në pemë me vlerë 150 mijë paund për djalin e tij të vogël në Chequers.
Çifti donte të ndërtonte shtëpinë gjatë vjeshtës 2020, por u tërhoqën për arsye sigurie. Dizajni i shtëpisë së pemës përfshinte xham antiplumb, por mund të shihej buzë rrugës, duke bërë që policia të paralajmëronte kryeministrin për rreziqet e përfshira.
Burimi informacionit @BalkanWeb: Lexo me shume ne : www.botasot.al
