Franca ndizet nga protestat kundër vaksinimit të detyrueshëm

11:20 08/08/2021

Policia përdor gaz lotsjellës, nga e hëna bëhet e detyrueshme pasaporta e vaksinimit në mjediset publike

Protestuesit kanë marshuar  në të gjitha qytetet e  Francës  gjatë fundjavës së katërt të demonstratave, duke denoncuar ato që ata i shohin si rregulla shtypëse që detyrojnë punonjësit e sistemit shëndetësor  të vaksinohen dhe qytetarët të kenë pasaportën e shëndetit  që u lejon atyre qasjen në shumë vende publike.

Në Lyon, policia shpërndau  protestuesit duke hedhur gaz lotsjellës mbi ta .

Protestuesit gjithashtu u mblodhën nëpër rrugët e Parisit, Nisë, Montpellier dhe qytete të tjera duke mbajtur pankarta ku shkruhej “Jo diktaturës” dhe brohoritën “Macron, ne nuk e  duam pasaportën tuaj shëndetësore “.

Protestuesit në Francë akuzojnë Macron për shkeljen e lirive të tyre dhe trajtimin e pabarabartë të qytetarëve po ai është kundërpërgjigjur duke deklaruar se liritë mbartin edhe përgjegjësi që përfshin mbrojtjen e shëndetit të të tjerëve.

Ata janë bashkuar kundër legjislacionit të Presidentit Emmanuel Macron, i cili po përpiqet  të frenojë një valë të katërt të infeksioneve COVID-19 dhe të ndihmojë në rimëkëmbjen ekonomike të vendit.

Duke nisur nga e hëna francezet do të duhet të tregojnë një leje shëndetësore për tu futur në restorante ,spitale dhe për të përdorur transportin publik . Gjithashtu pasaporta shëndetësore do të  jetë  e nevojshme për të hyrë në pishina, muze dhe klube nate.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *