Fundi i kapitullit 12-vjeçar të Netanyahu-t

15:52 03/06/2021

Partitë e opozitës bien dakord për formimin e qeverisë së re

Kjo telefonatë e Jair Lapidit me presidentin izraelit Reuven Rivlin i jep fund kapitullit 12-vjeçar të Benjamin Netanyahu-t në krye të qeverisë së vendit.

Kreu i partisë së qendrës “Për ardhmërinë” vuri firmën në të njëjtën letër me një prej rivalëve më të rëndësishëm politikë Naftali Bennet, që drejton partinë nacionaliste të “Së djathtës së re”.

Koalicioni i ri i arritur pak para mesnatës mes të Mërkurës dhe të Enjtes përfshin 8 parti opozitare, që bëjnë bashkë 62 vota, një më shumë se shumica e nevojshme për formimin e qeverisë.

I mandatuar pas dështimit të Netanyahu-t për të formuar qeverinë e re pas zgjedhjeve të 23 Marsit, Jair Lapid arriti me vështirësi të bindë partinë e komunitetit arab Raam, që për të parën herë do të përfshihet në një qeveri. Po ashtu, koalicioni ka një spektër të gjerë që përfshin edhe parti të majta.

Mbështetësit e partive të koalicionit shpërthyen në festë. Ndërsa kryeministri në detyrë Netanyahu e quajti marrëveshjen “Rrezik për Izraelin”.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *