19:26 28/03/2022
Liderët e 7 vendeve më të pasura të botës kanë refuzuar kërkesën e Moskës për të paguar importet e energjisë nga Rusia në rubla, sipas ministrit gjerman të energjisë. Kombet e G7 janë Franca, Gjermania, Italia, Japonia, Britania e Madhe, SHBA dhe Kanadaja.
Robert Habeck u tha gazetarëve se ishte një “shkelje e qartë e kontratave ekzistuese”. “Pagesa në rubla nuk është e pranueshme dhe ne do t’u bëjmë thirrje kompanive të prekura që të mos ndjekin kërkesën e Putinit”.
Presidenti rus njoftoi javën e kaluar se Rusia dëshiron që vendet “jo miqësore” të paguajnë për gazin natyror vetëm në monedhën ruse, tani e tutje.
Ekonomistët thanë se masa dukej e krijuar për të mbështetur rublën. Kjo e fundit ka rënë kundrejt monedhave të tjera që kur Putin pushtoi Ukrainën më 24 shkurt dhe vendet perëndimore u përgjigjën me sanksione të gjera kundër Moskës./tvklan.al
Burimi informacionit @TvKlan: Lexo me shume ne : www.botasot.al
