Gazetari në gjendje të rëndë shëndetësore? Ministria e Brendshme në Bjellorusi: Nuk është e vërtetë, ndodhet në paraburgim në Minsk

Ministria e Brendshme në Bjellorusi ka përgënjeshtruar lajmin se gazetari Roman Protasevich ndodhet në gjendje të rëndë shëndetësore në spital prej një sëmundjeje në zemër.

Sipas Sekretares për shtyp, Olga Chemodanova, gazetari është i arrestuar dhe ndodhet në paraburgim në Minsk.

Po ashtu ajo thekson se nuk ka pasur asnjë ankesë nga 26-vjeçari për gjendjen e tij shëndetësore.

Lajmi se gazetari Protasevich është në gjendje të rëndë shëndetësore u bë publik nga kryeredaktori i medias ku ai ka punuar më parë, NEXTA. Kryeredaktori në statusin e tij i referohej informacionit të dhënë nga vetë nëna e Protasevich.

NJOFTIMI NGA MINISTRIA E BRENDSHME NË BJELLORUSI

Informacioni në emër të nënës së Roman Protasevich po përhapet në internet se ai është në një nga institucionet e kujdesit shëndetësor në Minsk – ky informacion nuk korrespondon me realitetin. Sekretarja për shtyp e Ministrisë së Punëve të Brendshme Olga Chemodanova informoi për këtë në kanalin e saj Telegram, njofton BelTA.

Aktualisht, personi i arrestuar është në paraburgim në qendrën e paraburgimit nr. 1 të Departamentit të Ekzekutimit të Dënimeve të Ministrisë së Punëve të Brendshme në Minsk dhe rajonin e Minskut.

“Nuk kishte asnjë ankesë nga ai për gjendjen e shëndetit në administratën e institucionit,” shtoi Olga Chemodanova.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *