Presidenti ukrainas Volodymyr Zelensky, ka njoftuar sot se një tjetër varr masiv që përmbante 900 trupa është gjetur në rajonin e Kievit.
Në një intervistë me mediat polake, Zelensky akuzoi trupat ruse se janë përpjekur që të fshehin gjurmët dhe se po përdorin krematoriume të lëvizshëm për të djegur kufomat.
“Askush nuk e di se sa njerëz vdiqën në total. Do të ketë pasoja, do të ketë një hetim”, tha Zelensky.
Presidenti ukrainas nuk dha detaje të tjera.
Ukraina më herët akuzoi trupat ruse për vrasjen e qindra civilëve në Bucha, Borodyanka dhe Irpin, qytete pranë kryeqytetit Kiev, të cilat ishin të pushtuara për javë të tëra nga Rusia, raportoi BBC.
Moska i hedh poshtë akuzat.
(BalkanWeb)
Burimi informacionit @BalkanWeb: Lexo me shume ne : www.botasot.al
