Gjenevë, Zvicra lehtëson masat antiCOVID-19

Zvicra njoftoi sot lehtësimin e moderuar të masave të saj antiCOVID-19, kundër vendimeve të pjesës më të madhe të Europës dhe pavarësisht përkeqësimit të situatës epidemiologjike në vend në javët e fundit.

“Nga 19 prill, do të jetë sërish e mundur të organizohen ngjarje që mirëpresin publikun. Aktivitetet sportive dhe kulturore brenda do të autorizohen dhe restorantet do të jenë në gjendje të rihapin tarracat e tyre”, tha Këshilli Federal në një njoftim për shtyp.

“Situata epidemiologjike mbetet e brishtë dhe madje është përkeqësuar në javët e fundit”, vuri në dukje Këshilli, që gjithashtu pranoi se është ende shumë herët për të matur ndikimin e saktë të pushimeve të Pashkëve në dinamikën e pandemisë në vendin alpin.

“Pavarësisht kësaj situate, Këshilli Federal konsideron se kushtet lejojnë një lehtësim të moderuar”, theksohet në njoftimin për shtyp.

Shkalla ditore e infeksioneve në vend është afërsisht ekuivalente me atë të vërejtur në Itali dhe Gjermani, por më e ulët se mesatarja e Bashkimit Europian dhe tre herë më e ulët se në Francë.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *