Gjermania goditet nga moti i keq

Gjermania është goditur nga stuhitë mbrëmë, kur shira të rrëmbyeshëm u regjistruan në pjesët jugore dhe perëndimore të vendit, duke çuar në dhjetëra aksidente dhe qindra ndërhyrje të zjarrfikësve gjatë gjithë natës.

Disa fshatra u përmbytën në Bavari, duke përfshirë Moemlingen-in, afër Frankfurtit, ku rrugët u mbuluan plotësisht nga uji dhe balta si dhe shumë bodrume duhej të pompoheshin nga zjarrfikësit, njoftoi agjencia gjermane e lajmeve DPA.

Në Stuttgart, pjesë të çatisë dhe disa statuja në shtëpinë e operës së qytetit u rrëzuan në tokë nga erërat.

Ekipet e shpëtimit patën më shumë se 330 thirrje të hënën dhe sot herët në Stuttgart, ndërsa shërbimi i trenit u ndërpre për orë të tëra.

Shtetet Baden-Wuerttemberg, ku ndodhet Stuttgarti, si dhe Bavaria dhe Hesse u goditën veçanërisht nga reshjet e ngjashme me përmbytjet dhe raportuan dhjetëra aksidente rrugore në mëngjesin e sotëm. Numri i personave të plagosur në përplasje nuk dihet ende.

Shtatë aksidente u raportuan gjatë reshjeve të mëdha të shiut në autostradat A3 dhe A48 pranë qytetit Montabaur me një person të lënduar rëndë dhe tre të tjerë me lëndime të lehta.//AA

PĂ«r t’u bĂ«rĂ« pjesĂ« e grupit “Balkanweb” mjafton tĂ« klikoni: Join Group dhe kĂ«rkesa do t’ju aprovohet menjĂ«herĂ«. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *