Gjermania me sytë nga “Sputnik V”

17:12 08/04/2021

Mediat: Bisedime me Moskën për furnizimin me vaksina

Gjermania mund të marrë së shpejti vaksinën ruse Sputnik V për imunizimin e popullatës pa pritur një vendim nga Agjencia Europiane e Barnave EMA.

Agjencia e lajmeve Reuters citon burime pranë qeverisë gjermane, që pohojnë se ministri i Shëndetësisë Jens Shpan po përgatitet për të nisur negociatat me palën ruse për të nisur furnizimet me dozat e Sputnik V.

Reuters megjithatë thekson se nënshkrimi i marrëveshjes përfundimtare varet nga vlerësimet që do të bëjnë ekspertët e Agjencisë Europiane të Barnave.

Për vlerësimin e të dhënave që po bëhet nga kjo agjenci për efektivitetin e vaksinës ruse, ekspertët kanë kërkuar të vizitojnë edhe fabrikat ku ajo prodhohet në Rusi.

Të mërkurën, qeveria rajonale e Bavarisë njoftoi nënshkrimin e një marrëveshjeje paraprake për blerjen e 2.5 milionë dozave të Sputnik V, nëse merret aporvimi nga EMA. Komisioni Europian ua ka lënë në dorë vendeve anëtare të vendosin për marrjen e kësaj vaksine, që deri më tani po injektohet në Hungari dhe Sllovaki.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *