Gramoz Ruçi debat me deputetët në Kuvend: Nuk mund të intimidoni dhe as të bëni zhurmuesin me telefon. Ju keni punë vetëm me…






Kryetari i Kuvendit, Gramoz Ruçi është përfshirë në një debat me deputetët e opozitës së  re në parlament, pasi njëri prej tyre, Artur Roshi ka përmenduar shërbimin e kuvendit. Sipas tij, nuk i është futur emri në listën e diskutimeve.

Kjo ka sjellë edhe reagimin e kryeparlamentarit Ruçi, i cili u kërkoi të gjithë deputetëve që të mos ushtrojnë trysni mbi shërbimet dhe të mos bëjnë zhurmuesin me telefon.

Debatet u bënë pas përfundimit të fjalës së Artur Metanit, i cili raportoi sot në Parlament mbi punen e ILD.

Ja debati

Gjuzi: Një pyetje kisha në lidhje me atë që pata pyetur.

Ruçi: Pyetje për pyetjet që kishe pyetur nuk ka.

Gjuzi: Të lutem një sekondë zoti kryetar.

Ruçi: Ti dha përgjigjet

Gjuzi: ILD ka të drejtë të kontrollojë gjyqtarët dhe prokurorët. Në të 7 pyetjet bëhet fjalë për gjyqtarë dhe prokurorë të korruptuar.

Ruçi: S’ka koment për përgjigjet. Zoti Roshi çfarë kishin ju?

Roshi: E kisha regjistruar emrin dje tek shërbimet e Kuvendit për të folur në seancë në këtë pikë. Sot sa vij në seancë më thotë që e ka tërhequr zoti Murrizi. Unë sigurisht e kisha regjistruar në konfidencë në raportet e mia me zotin Murrizi. I them zotit Murrizi tani thotë Ok, shërbimet e Kuvendit janë refraktare dhe nuk reagojnë, nuk janë fleksibël për ta futur në listën e fjalës, kështu që do kërkoja mirëkuptimin tuaj. Nuk është se nuk e kam respektuar rregulloren.

Ruçi: Së pari me shërbimet e Kuvendit nuk keni punë, as t’i bërtisni, as t’i trysnoni, as t’i intimidoni. Shërbimet e Kuvendit se të dëgjova që në fillim që iu drejtove shërbimeve të Kuvendit…Ju jeni deputetë, keni punë me dy veta, me drejtuesin e grupit, me grupin parlamentar ku asistoni dhe me seancën plenare, jo me shërbimet e Kuvendit. Shërbimet e Kuvendit janë në shërbimin tënd dhe timin, dakord! Por jo t’i intimidosh, jo t’i bërtasësh, ata zbatojnë vetëm rregulloren. Ajo ka kërkuar që kryetarët e grupeve të paraqesin listën e diskutantëve sipas kohës që kanë në dispozicion dhe e kanë bërë këtë regjistrim. Në qoftë se ti nuk do jesh dakord, prandaj është seanca për ta ngritur problemin. Është fare normale që ta diskutojmë dhe t’i japim zgjidhje. Por jo të intimidohet, jo të bësh zhurmuesin me telefon, duke penguar ILD, prandaj përgatitu 5 minuta.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *