Hakerët nga Koreja e Veriut grabisin kazinonë online, vjedhin mbi 40 mln dollarë për të financuar programin bërthamor të Kim Jong-un

hakeret nga koreja e veriut grabisin kazinone online vjedhin mbi 40 mln dollare per te financuar programin berthamor te kim jong un

Një grup hakerësh koreano-veriorë ka arritur të grabisë një sasi kriptovalutash me vlerë rreth 41 milionë dollarë nga një kazino në internet këtë javë. Dyshohet se paratë e vjedhura do të përdoren për të forcuar programin e armëve bërthamore të vendit përpara një marrëveshjeje armësh me Rusinë.

FBI njoftoi të mërkurën se kishte gjurmuar hakimin e “Stake.com” në Korenë e Veriut dhe grupin e saj Lazarus të sponsorizuar nga shteti, i cili ka vjedhur më shumë se 200 milionë dollarë në kriptovaluta vetëm gjatë vitit të kaluar.

“Në vitet e fundit, ka pasur një madhësi të theksuar të sulmeve kibernetike kundër bizneseve të lidhura me kriptovalutat nga Koreja e Veriut”, raportoi firma e inteligjencës së bllokut TRM Labs në qershor. “Kjo ka përkuar me një përshpejtim të dukshëm në programin e raketave bërthamore dhe balistike të vendit”, shprehen ata.

Akoma më shqetësues për zyrtarët amerikanë është fakti se ky shfrytëzim i fundit erdhi vetëm disa ditë përpara takimit të pritshëm të liderit të Koresë së Veriut Kim Jong-Un me presidentin rus Vladimir Putin, kur dy liderët pritet të arrijnë një marrëveshje armësh për të ndihmuar Rusinë në pushtimin e vazhdueshëm të Ukrainës.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts