Hakohet kompania më e madhe e mishit në botë

13:11 02/06/2021

Kompania më e madhe në botë për përpunimin e mishit ka rënë pre e një sulmi kibernetik të sofistikuar. Rrjetet kompjuterike të JBS në Brazil u hakua dhe disa fabrika në Australi, Kanada dhe SHBA u mbyllën përkohësisht, duke prekur mijëra punëtorë.

Kompania beson se sulmi e ka origjinën nga një grup kriminal me gjasë i vendosur në Rusi. Kjo mund të çojë në mungesa të mishit ose të rrisë çmimet për konsumatorët. Ndërkohë FBI ka nisur hetimet.

Shtëpia e Bardhë ka bërë të ditur se po angazhohet drejtpërdrejt me qeverinë ruse për këtë çështje duke dhënë mesazhin se shtetet përgjegjëse për këtë sulm nuk duhet të strehojnë kriminelë.

Unioni i Bashkuar i Punëtorëve të Ushqimit i cili përfaqëson punonjësit e fabrikës së JBS, i ka kërkuar ndërmarrjes që të sigurojë pagat e punëtorëve.

JBS është furnizuesi më i madh në botë i mishit duke prodhuar viçi, pule dhe mish derri. Ajo u themelua në Brazil në 1953 dhe aktualisht ka më shumë se 150 fabrika në të gjithë botën.

Kompania tani ka më shumë se 150,000 punonjës në të gjithë botën.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *