Hondurasi pritet që të zgjedhë gruan e parë në postin e presidentes, Xiomara Castro

Hondurasi pritet që të zgjedhë gruan e parë në postin e presidentes, pasi partia në pushtet humbi zgjedhjet. Xiomara Castro, kandidate e partisë majtiste, Të Lirë (LIBRE), bazuar në rezultatet preliminare udhëheq me pothuajse 20 për qind të votave më shumë kundrejt rivalit të saj. Fitorja e saj paraqet fundin e sundimit 12-vjeçar të Partisë Nacionaliste të krahut të djathtë, e cila u përcoll me shumë skandale e afera korruptive.

Rrjedhimisht, Castro pritet të zëvendësojë presidentin e deritanishëm, Juan Orlando Hernandez. Tash e një kohë ndaj tij rëndojnë akuza për bashkëpunim me grupe të trafikimit me narkotikë pasi vëllai i tij u burgos për trafikim në Shtetet e Bashkuara. Presidentja në ardhje, Castro ka premtuar që do ta ‘largojë Hondurasin nga diktatura e grupeve të trafikimit me narkotikë dhe korrupsionit’.

Castro ishte edhe zonjë e parë e shtetit kur në krye të vendit ndodhej bashkëshorti i saj, Manuel Zelaya. Ajo garoi në zgjedhje edhe dy herë të tjera pas largimit të Zelayas nga pushteti. Ish-zonja e parë po ashtu premtoi ndryshime të mëdha në vend pas marrjes së pushtetit. Ndër detyrat e para do të jetë ballafaqimi me krimin, trafikimin e drogës dhe nivel të lartë të migrimit drejt SHBA-së. Në anën tjetër, për fitoren e saj u deklarua edhe Sekretari amerikan i Shtetit, Anthony Blinken i cili e përgëzoi për fitore, duke shtuar se Uashingtoni mezi pret të bashkëpunojë me të.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.