Horror në Spanjë/ Një grua mbahet peng dhe përdhunohet për 6 ditë, shpëton falë copave të letrave që hodhi nga dritarja

horror ne spanje nje grua mbahet peng dhe perdhunohet per 6 dite shpeton fale copave te letrave qe hodhi nga dritarja
horror ne spanje nje grua mbahet peng dhe perdhunohet per 6 dite shpeton fale copave te letrave qe hodhi nga dritarja

Një ngjarje shokuese ka ndodhur në Pontevedra të Spanjës, pasi një grua është mbajtur e mbyllur për rreth 6 ditë në një banesë dhe është përdhunuar në mënyrë të përsëritur gjatë kësaj kohe.

Fatmirësisht sipas policisë ajo u shpëtua pasi arriti të hidhte disa shënime të shkruara me dorë nga një nga dritaret e ndërtesës, me një prej fqinjve që e pa letrën dhe njoftoi policinë.

Oficerët thyen derën e shtëpisë dje pak pas orës 7 të mëngjesit, ndërsa gruaja i kishte komunikuar policisë se nëse burri që e mbante rob e merrte vesh për praninë e tyre, ai do ta vriste atë.

Efektivët e gjetën burrin duke fjetur, si dhe viktimën, e cila ishte në gjendje shoku. I dyshuari, i identifikuar vetëm si M.F.R, 26 vjeç, është banor vendas dhe është arrestuar për ndalim të paligjshëm, dhunë dhe sulme seksuale.

Viktima dhe i dyshuari njiheshin me njëri-tjetrin, pasi kishin qenë në një lidhje më parë dhe ishin takuar sërish kur e reja i kërkoi t’i shlyente paratë që i kishte borxh.

Kur ajo shkoi për të mbledhur paratë e saj më 19 korrik, i dyshuari dyshohet se nuk e la të largohej, ndërsa familja e viktimës kishte denoncuar zhdukjen e saj pas disa ditësh.

“Kur policia e gjeti viktimën, trupi i saj ishte i mbuluar me mavijosje dhe ajo u transportua në spitalin Álvaro Cunqueiro në Vigo, ku u ekzaminua nga një mjek, ndërsa i akuzuari u paraqit sot në gjykatë ku iu refuzua lirimi me kusht”, raportoi El Diario.

I dyshuari do të përballet me 15 deri në 20 vjet burg për krimet e supozuara, ndërsa ai është akuzuar për vepra të ngjashme edhe më parë.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts