Humbja në Kukës/ “Partia-shtet kontrollon votën qytetare”, Meta: Bashkëpunimi me Berishën ka…

humbja ne kukes partia shtet kontrollon voten qytetare meta bashkepunimi me berishen ka
humbja ne kukes partia shtet kontrollon voten qytetare meta bashkepunimi me berishen ka

Kreu i Partisë së Lirisë, Ilir Meta, përmes një konference për mediat është shprehur për herë të parë mbi humbjen e opozitës në zgjedhjet e Kukësit.

Ai u shpreh se zgjedhjet e Kukësit janë një faqe më shumë në librin e zi të 14 majit dhe tregues i partisë-shtet që kontrollon në mënyrë shumë të qartë votën e qytetarëve.

Sa i përket bashkëpunimit me ish-kryeministrin Sali Berisha, Meta u shpreh se Partia e Lirisë do vijojë bashkëpunimin me çdo faktor opozitar që sipas tij nuk janë “zgjatime të qeverisë”.

“Pas skandalit të shpjegosh rezultatin nuk ka lidhje vetëm me të. Zgjedhjet e Kukësit janë një faqe më shumë në librin e zi të 14 majit dhe tregues i partisë-shtet që kontrollon në mënyrë shumë të qartë votën e qytetarëve shqiptarë.

Ne do të vazhdojmë të bashkëpunojmë me çdo faktor opozitar për fuqizimin e opozitarizmit, kur dihet që investimi kryesor i qeverisë është blerja dhe pengmarrja e opozitës. PL qëndron si një opozitë e vërtetë përballë regjimit dhe do bashkëpunojë me çdo faktor që nuk është zgjatim i këtij regjimi.

Kemi ditët e fundit edhe pranimin e fajësisë më në fund nga McGonigal sa i takon rolit të tij me Shqipërinë. Është e qartë se veprimet e tij me qëllim fitimi dhe korrupsioni i ka bërë në këmbim të marrjes së porosive për të goditur opozitën nga kryeministri aktual”, u shpreh ai.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts