“Ida” godet New York, 25 viktima

19:56 02/09/2021

Përmbytje masive dhe shkatërrime

New York shpalli gjendjen e emergjencës me afrimin e uraganit të fuqishëm Ida, që ka sjellë reshje të dendura e përmbytje masive.

Teksa ka përshkuar territore të gjera të lindjes së vendit, duke nisur nga Luiziana ku shkaktoi dëme katastrofike, uragani ka thelluar në 25 bilancin e viktimave në New York dhe New Jersey.

Fuqia e erërave ka rënë, por sasia e reshjeve ka shënuar rekorde. Në një orë, niveli i ujit në New York arriti në 20 centimetra, duke përmbytur shumë rrugë.

Shumë drejtues automjetesh u gjendën të papërgatitur në një situatë të tillë, ndërsa gjetën mënyra nga më të ndryshmet për të shpëtuar.

Pjesa më e madhe e metrosë së New Yorkut ka pezulluar punën, pasi shumë stacione u përmbytën.

Ujërat përmbytën edhe katet e para të dhjetëra shtëpive. Ashtu si në Luiziana, edhe në New York e New Jersey, shkatërrimet e uraganit janë të konsiderueshme.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *