10:52 21/09/2023
Kompania e Elon Musk synon të ndihmojë personat me paralizë dhe ata me sëmundje neurologjike
Miliarderi amerikan Elon Musk ka filluar të rekrutojë njerëz për provën e parë për të nisur vendosjen e çipave në trurin e njeriut.
Qëllimi i kompanisë Neuralink është të lidhë trurin e njeriut me kompjuterët dhe dëshiron të përdorë teknologjinë tek njerëzit me paralizë për t’i ndihmuar ata të ecin sërish.
Jo vetëm kaq, por ky implant truri i zhvilluar nga kompania ka si qëllim të kurojë edhe sëmundje të tjera neurologjike.
Kompania ka pesë vite që punon për të bërë të mundur qëllimin e saj, por kompania deri më tani ka kryer testime vetëm tek kafshët.
Disa herë që nga viti 2019, miliarderi Elon Musk kishte parashikuar se kompania e tij e çipave të trurit do të siguronte së shpejti miratimin e FDA-së për provat njerëzore deri sa mundi të merte dritën jeshile në Maj të këtij viti.
Në atë kohë, Administrata e Ushqimit dhe Barnave e hodhi poshtë kërkesën e kompanisë për të nisur testet tek njerzit ku përmendi shqetësimet e sigurisë për shkak të dëmtimit të mundshëm të indeve të trurit kur të hiqen pajisjet e vendosura në tru.
Klan News
