Incidenti i Pjerin Ndreut me policinë/ Bardhi: Duhet të ishte në burg për vjedhjen e zgjedhjeve






Sekretari i Përgjithshëm i PD-së, Gazment Bardhi të martën ka reaguar në lidhje me sulmin e kryebashkiakut të Lezhës, Pjerin Ndreu ndaj policisë.

gazmend bardhi1

Në një shënim në rrjetin social Facebook, Bardhi shkruan se Ndreu nuk duhet të jetë mbi ligjin, por duhet të jetë në burg sepse është i njëjti që në “Dosjen 184” kërcënonte me pushim nga puna mësuesit dhe sot sulmon dhe fyen policinë.

Deliri tij është produkt i paligjshmërisë mbi të cilën ngrihet pushteti i korruptuar i regjimit Rama-Doshi: Vjedhja e zgjedhjeve”, shkruan ai.

Sipas tij, ata nuk përfaqësojnë qytetarët, por interesat e krimit me të cilin masakrojnë zgjedhjet dhe vjedhin vullnetin e shumicës për ndryshim.

Që arroganca ndaj qytetarëve dhe institucioneve të ndalojë, që ankthi dhe pasiguria të mos mbretërojnë në familjet shqiptare, duhet marrë fund modeli i politikës të lidhur me krimin”, tha Bardhi.

Shënimi i plotë:

 Pjerin Ndreu nuk duhet të jetë mbi ligjin, Pjerin Ndreu duhet jetë në burg sepse është i njëjti që në Dosjen 184 “fluturonte” mësuesit nga puna me urdhër partie dhe sot sulmon dhe fyen policinë. Deliri tij është produkt i paligjshmërisë mbi të cilën ngrihet pushteti i korruptuar i regjimit Rama-Doshi: Vjedhja e zgjedhjeve!

Ata nuk përfaqësojnë qytetarët, por interesat e krimit me të cilin masakrojnë zgjedhjet dhe vjedhin vullnetin e shumicës për ndryshim.  Që arroganca ndaj qytetarëve dhe institucioneve të ndalojë, që ankthi dhe pasiguria të mos mbretërojnë në familjet shqiptare, duhet marrë fund modeli i politikës të lidhur me krimin.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *