Incidenti në kufi/ Vuçiç shpërthen ndaj BE dhe NATO: Deri kur do të durojmë dhunën e Albin Kurtit?

Vazhdojnë tensionet mes Kosovës dhe Serbisë. Ditën e sotme qarkulloi një lajm nga një media serbe se pjesëtarët e Policisë së Kosovës kanë rrahur tre banorë serbë në vendkalimin kufitar në Bërnjak. Ky lajmi cili u përgënjeshtrua nga policia e Kosovës ka “inatosur” presidentin Vuçiç.

Siç transmetojnë mediat serbe, Vuçiç tha se është i shqetësuar pasi ka parë lajmin.

“Ashtë çështje për NATO-n dhe për BE-në pse e lejojnë atë. Ne u treguam atyre qartë se cilët janë kufijtë dhe deri në çfarë mase do të durojmë dhunën e Albin Kurtit dhe forcave të tij. Këtë e dinë evropianët dhe amerikanët, ne e kemi thënë me shumë saktësi. Dhe e kemi thënë shumë saktësisht se cilat janë lëvizjet tona dhe në çfarë radhe po shkojnë”, u tha Vuçiç gazetarëve pas samitit demografik në Budapest.

Ai gjithashtu theksoi se “përpjekjet e reja për të rrezikuar ose përndjekur fizikisht serbët nuk do të ndodhin”.

Presidenti serb gjithashtu tha se është mirë që ende vlen Marrëveshja e Brukselit dhe shtoi se nesër pret mbajtjen e takimit urgjent të Ekipit Drejtues rreth Bashkësisë së Komunave Serbe.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *