Inspektorët e OKB-së largohen nga centrali i Zaporizhias

18:01 01/09/2022

Bombardimet vonuan delegacionin, Rusia kërcënon Moldavinë me konfrontim ushtarak

Disa nga inspektorët e Agjencisë Ndërkombëtare të Energjisë Atomike janë larguar nga termocentrali bërthamor i Zaporizhzhia. Sipas agjencisë ruse të lajmeve Interfax, katër nga nëntë automjetet e delegacionit u larguan nga uzina pasi kaluan rreth katër orë atje. Në plan afat të gjatë, Agjencia Ndërkombëtare të Energjisë Atomike shpreson të instalojë inspektorë në baza më të përhershme e duket se deri më tani Kremlini e mbështet një gjë të tillë.

Ekipi u vonua për tre orë në një pikë kontrolli ukrainas pasi përgjatë rrugës kishte bombardime. Megjithatë, grupi kishte thënë se donte të vazhdonte përpara.

Ministri i Jashtëm rus Sergei Lavrov tha se Moska po bënte gjithçka për të siguruar që centrali të mund të funksiononte në mënyrë të sigurt dhe që inspektorët e OKB-së të jenë në gjendje të kryejnë detyrat e tyre.

Sakaq, nga ky i fundit ka ardhur një tjetër reagim i fortë për Moldavinë. Ai  paralajmëroi këtë vend se kërcënimi i sigurisë së trupave ruse në rajonin separatist të Transnistria do të shkaktonte një konfrontim ushtarak me Moskën.

Rusia ka rreth 1500 ushtarë në Transnistria, të cilën e përshkruan si një forcë “paqeruajtëse” por që Moldavia dëshiron largimin e tyre. Ndërkohë,kreu i Elysee-s, Emmanuel Macron ka mbrojtur politikën e tij të vazhdimit të dialogut me Rusinë pas  luftës në Ukrainë, duke thënë se Turqia nuk duhet të jetë e vetmja fuqi që flet me Moskën dhe se tashmë duhet të bëhen përgatitje për arritjen e paqes përmes negociatave.

Klan News

Të ngjashmeBurimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *