15:18 05/05/2022
SHBA deklaron se i ka afruar ndihmë Ukrainës për të mbrojtur veten dhe jo për të vrarë gjeneralët rusë
SHBA u ka ofruar ndihmë përmes inteligjencës së saj forcave ukrainase të cilët kanë shënjestruar dhe vrarë gjeneralët rusë në Ukrainë. Kështu thuhet nga një raport i publikuar nga gazeta amerikane “New York Times”, e cila citon zyrtarë të lartë.
Zyrtarët ukrainas pretendojnë se 12 gjeneralë të lartë rusë janë vrarë në luftë, pasi mendohet se morali i ulët midis trupave ruse i ka detyruar oficerët e lartë të afrohen në vijën e frontit. Ata nuk kanë specifikuar se sa në këto sulme u ndihmuan nga inteligjenca amerikane.
Një zëdhënës i Shtëpisë së Bardhë kritikoi shkrimin e “New York Times”, duke thënë se titulli i saj ishte “mashtrues” dhe “i papërgjegjshëm“.
Zëdhënësja e Këshillit të Sigurisë Kombëtare, Adrienne Watson, shtoi se SHBA i ofron Ukrainës ndihmë në fushëbetejë përmes inteligjencës së saj për të “mbrojtur veten” dhe pa “qëllim për të vrarë gjeneralët rusë“.
Klan News
