Ipeshkvi i Kosovës Dodë Gjergji uron Bashkësinë Islame për Kurban Bajramin: Festojmë bashkë se është fe e vëllezërve tanë

Ipeshkvi i Kosovës, imzot Dodë Gjergji në ditën kur besimtarët myslimanë në Kosovë, por edhe në botë festojnë Kurban Bajramin vizitoi Bashkësinë Islame të Kosovës.

Nga aty ai tha se sot po festojnë bashkë me vëllezërit e tyre myslimanë dhe kërkoi që edhe në këtë ditë feste të lutemi për të gjithë ata persona që kanë humbur jetën nga pandemia e COVID-19.

“Shfrytëzoj rastin që gjatë ditës sot këtu në Bashkësinë Islame për të uruar Kurban Bajramin myftiut Tërnava për t’iu uruar të gjithë njerëzit vullnet mirë dhe besimtarëve myslimanë. Sepse vërtetë sakrifica është vlera dhe virtyti i çdo besimtari sepse ne jemi ata që jo vetëm dimë t’i shfrytëzojmë të mirat që Zoti të na jep por dimë edhe t’i bashkëndajmë ato të mira dhe dimë t’i kushtojmë atij jetët tona, gëzimet dhe vuajtjet tona dhe këto kohë sigurisht që kemi pasur mundësi t’i kushtojmë Zotit shpirtrat e atyre që kanë vdekur prej virusit”, tha ai.

Më tej ai shtoi se “është mirë që në këtë ditë feste kur urojmë njëri-tjetrin dhe bashkë festojmë në një mënyrë sepse është feja e vëllezërve tanë, të lutemi për shpirtrat e tyre që ikëm në amëshim, t’i ngushëllojmë zemrat e atyre që kanë mbetur të pikëlluar dhe të mundohemi të jemi në mbështetje të çdo njeriu që ka nevojë”.

“Po ashtu, gëzohemi që kemi pasur mundësinë që këtë vit të vijmë personalisht për të uruar dhe shkëmbyer urime”, deklaroi imzot Dodë Gjergji.

Myftiun e Kosovës, Naim Tërnava dhe Bashkësinë Islami sot e kanë vizituar dhe kryetari i PDK-së, Memli Krasniqi, deputetët e AAK-së të kryesuar nga nënkryetari, Ahmeti Isufi.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *