Irani kërcënon me pasurim të uraniumit deri në 60%

22:55 13/04/2021

Irani ka paralajmëruar se do të nisë pasurimin e uraniumit deri në 60% pastërti, dy ditë pas një sulmi në qendrën kryesore bërthamore Natanz. Për këtë sulm është fajësuar Izraeli.

Ky paralajmërim ka ardhur disa orë pasi një diplomat i lartë iranian ka thënë se sulmi i supozuar në Natanz ka qenë “lojë shumë e keqe”, e cila do të forcojë dorën e Teheranit në bisedimet për ringjallje të marrëveshjes bërthamore, që Irani ka nënshkruar me fuqitë botërore më 2015.

Irani ka informuar Agjencinë Ndërkombëtare për Energji Atomike rreth synimeve për “nisje të pasurimit deri në 60%”, ka raportuar agjencia shtetërore e lajmeve IRNA më 13 Prill. Press Tv, televizioni shtetëror iranian në gjuhën angeze, ka thënë se pasurimi do të nisë më 14 Prill.

Pasurimi i uraniumit deri në 60% do të përbëjë shkallën më të lartë të arritur nga programi bërthamor i Iranit, ndonëse nevojitet 90% pastërti për përdorim ushtarak.

Sipas marrëveshjes bërthamore, Irani është zotuar për të mbajtur nivelet e pasurimit në 3.67%. Së fundmi zyrtarët iranianë kanë thënë se marrëveshja bërthamore nuk është duke u zbatuar dhe kanë pasuruar uranium deri në 20%.

Njoftimi i Teheranit ka ardhur pasi zyrtarët iranianë kanë thënë se shpërthimi i 11 prillit ka shkaktuar ndërprerje të energjisë në Natanz, çka ka prekur edhe gjeneratën e parë të centrifugave të Iranit. Ky shtet është zotuar se do të “hakmerret” dhe do të rrisë aktivitetet bërthamore./REL

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *