Ish-deputetja e LSI: Amnesty International apel të fortë për drejtësinë shqiptare, të heqë dorë nga qëndrimet politike









Ish-deputetja e LSI Silva Caka ka deklaruar për mediat se kriza ekonomike në vend është shkak i zgjedhjeve të 25 Prillit dhe shkatërrimit të tyre nga kryeministri Edi Rama.

ggg

Në një deklaratë nga selia e kuqe, Caka deklaroi se në raportin e fundit të Amnesty International dënohet publikimi i të dhënave personale të qytetarëve shqiptarë.

Sipas saj kjo agjenci e konsideron veprimtarinë e SPAK për këtë çështje, si kërcënim ndaj lirisë së shprehjes dhe frikësim të gazetarëve.

“Qëndrimi i qartë dhe shumë i fortë i Amnesty International është një apel dhe këmbanë shumë e fortë alarmi për drejtesinë shqiptare që ajo të heqë dorë nga qëndrimet e saj antiligjore pro rilindjes dhe t’i kthehet kushtetutës dhe ligjit”, tha Caka.

Deklarata e plotë

Zgjedhjet e 25 prillit dhe shkatërrimi i tyre nga Edi Rama janë edhe shkaku i vetëm i krizës shumë të rëndë politike dhe ekonomike. Qytetarët shqiptarë tashmë e kanë shumë të qartë se pas çdo veprimi të Edi Ramës, fshihen vetëm aktivitete të paligjshme.

Amnesty International, në raportin e fundit të publikuar së fundmi, e ka dënuar dhe cilësuar publikimin dhe  përdorimin e të dhënave personale të mbi 900.000 qytetarëve shqiptarë si shkelje të të drejtave të njeriut. Ky raport fakton se këto të dhëna u përdorën për qëllime elektorale, me objektiv shantazhimin dhe intimidimin e zgjedhësve. Ajo që vlen të theksohet është që raporti i Amnesty International e cilëson veprimtarinë e SPAK për këtë çështje, si kërcënim ndaj lirisë së shprehjes dhe frikësim të gazetarëve, aq sa u desh ndërhyrja dhe vendimi i Gjykatës Europiane të të Drejtave të Njeriut, i cili nxorri në pah jo vetëm paaftësinë, por edhe kapjen e këtij institucioni.

Mënyra e vetme për të qeverisur e Edi Ramës është përmes kaosit dhe skandaleve të shumta kriminale, që pasojnë njëri tjetrin e ku njëri skandal është akoma më i madh se tjetri.

Çdo herë që Edi Rama lakon fjalën krenari për ndonjë skandal të mundshëm, nuk bën gjë tjetër përveçse përçon mesazhe paprekshmërie tek bashkëpunëtorët e tij e mbi të gjitha tek instancat e hetimit dhe gjyqësorit.

Ashtu si Saimir Tahirin, përgjimet e dosjeve 184 e 339 apo inceneratorët që i konsideroi krenari, por që çdo ditë që kalon po i ngushton gjithjë e më shumë lakun, edhe patronazhistët ishin një tjetër moment kriminal.

Drejtesia me regji e mbylli çështjen e patronazhistëve duke provuar kapjen e saj.

Drejtësia me regji e ka të kotë se kjo çështje nuk do të mbyllet kurrë dhe përgjegjësit nga Edi Rama e me radhë do shkojnë përpara drejtësisë.

Veprimet e intimidimet e Ramës ndaj institucioneve shqiptare të kapura nga paratë e krimit të organizuar, nuk përbëjnë asnjë kërcënim për institucionet ndërkombëtare, të cilat nuk e kompromentojnë seriozitetin e punës së tyre nëpërmjet lobimeve apo ryshfeteve.

Qëndrimi i qartë dhe shumë i fortë i Amnesty International është një apel dhe këmbanë shumë e fortë alarmi për drejtesinë shqiptare që ajo të heqë dorë nga qëndrimet e saj antiligjore pro rilindjes dhe t’i kthehet kushtetutës dhe ligjit.

Qëndrimi i Amnesty International është edhe një motiv më shumë për opozitën në luftën e saj për zgjedhje të lira dhe të ndershme si dhe për shtetin ligjor dhe sundimin e ligjit në Shqipëri.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published.