ISIS rikthen sulmet në Pakistan, ekzekutohet ‘politeisti’ në kufi me Afganistanin

Grupi ekstremist i Shtetit Islamik (IS) ka marrë përgjegjësinë për vrasjen e një pjesëtari të komunitetit Sikh të Pakistanit. Vrasja kishte ndodhur më herët gjatë javës në qytetin veriperëndimor të Peshavarit, raporton AP.

Përmes një deklarate IS -i tha se Satnam Singh, 45 vjeç, ishte “politeist” (besimi në shumë perëndi) duke shtuar se ai u qëllua për vdekje nga anëtarët e IS-it.

Zyrtarët pakistanezë vazhdimisht kanë mohuar praninë e organizuar të Shtetit Islamik në këtë vend, por në vitet e fundit grupi ekstremist ka marrë përsipër një numër sulmesh ndaj forcave të sigurisë, xhamive, tubimeve politike dhe pakicave fetare në vitet e fundit.

Policia tha se Singh u qëllua në Peshavar që gjendet në kufi me Afganistanin.

Personat e armatosur u larguan nga vendi i ngjarjes.

Singh kishte jetuar në këtë qytet për 20 vjetët e fundit dhe drejtonte një klinikë të vogël që shiste ilaçe bimore.

Sulmet ndaj pakicës sikh kanë qenë të vazhdueshme në Pakistan.

Shumica e komunitetit sikh kishin emigruar nga territori që tash i takon Pakistanit për në Indinë fqinje më 1947 kur përfundoi sundimi britanik.

Megjithatë disa mijëra qëndruan në Pakistan.

/REL

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *