Itali, tornadot godasin Siçilinë

15:33 06/10/2021

Përveç dëmeve materiale, raportohet edhe për disa të plagosur në Siçili

Një tornado e fuqishme ka goditur Siçilinë. Përvec dëmeve të para materiale mediat italiane raportojnë edhe për disa të plagosur.

Një nga situatat më kritike paraqitet në komunën e Katanjas. Erërat e forta kanë rrëzuar pemët dhe  shtyllat e ndriçimit publik.

Sipas Bashkisë së Katanjas, e cila dha informacionin e parë përmes mediave sociale tha se moti i keq shkaktoi dëme serioze në banesa dhe biznese.

Autoritetet u kanë bërë thirrje qytetarëve të tregojnë vëmendje maksimale dhe të mos dalin nga shtëpia përveçse për arsye të domosdoshme.

Moti i keq ka ndikuar edhe tek linjat ajrore ku katër fluturime janë devijuar në aeroporte të tjerë, dy prej të cilëve në Palermo dhe një në Bari.

Kujtojmë se një ditë më parë, shirat e rrëmbyer bënë që lumenjtë të dalin nga shtrati në veriperëndim të Italisë, duke goditur më rëndë rajonin e Ligurias.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *