Italia i bën goditjen e rëndë Putinit, heq dorë nga gazi rus, nënshkruan marrëveshjen e re me Algjerinë

Kryeministri i Italisë, Mario Draghi pritet të zhvillojë një vizitë në Algjeri të hënën, për të nënshkruar një marrëveshje për rritjen e importeve të gazit natyror.

Draghi do të udhëtojë me një delegacion që pritet të përfshijë kreun e grupit italian të energjisë (Eni), Claudio Descalzi , ministrin e Jashtëm, Luigi Di Maio dhe ministrin e tranzicionit të energjisë Roberto Cingolani, tha një burim qeveritar për Reuters.

Italia, e cila importon rreth 40 për qind të gazit nga Rusia, është përpjekur të diversifikojë furnizimin me energji derisa konflikti në Ukrainë përshkallëzohet.

Më herët këtë javë, Cingolani tha se Italia po bisedonte me shtatë vende për të siguruar më shumë gaz dhe bisedimet janë”në një fazë shumë të avancuar”. Di Maio dhe shefi ekzekutiv i grupit italian të energjisë, Claudio Descalzi, kanë vizituar Algjerinë javët e fundit për të diskutuar forcimin e lidhjeve energjetike.

Algjeria është furnizuesi i dytë më i madh i gazit në Itali dhe tubacioni Transmed ka pompuar gaz algjerian në brigjet italiane që nga viti 1983. Ai ka një kapacitet ditor prej më shumë se 110 milionë metra kub (mcm), por aktualisht transporton më pak se 60 milionë metra kub.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.