“Janë skena që të thyejnë zemrën”! Presidentja Osmani për BBC: Edhe unë kam qenë refugjate, Kosova i pret afganët me zemërgjerësi

Presidentja e Kosovës, Vjosa Osmani, në një intervistë për BBC, ka thënë se Kosova i pret me zemërgjerësi afganët, ndërsa ka përmendur faktin se edhe ajo ka qenë refugjate dhe se e ndjen këtë situatë.

Presidentja Osmani duke folur për situatën në Afganistan tha se janë skena që ta thyejnë zemrën, ndërsa tha se brenda tri ditëve do të kuptohet saktë data kur do të vijnë refugjatët.

“…Janë skena që ta thyejnë zemrën. Edhe unë kam qenë refugjate dhe e ndjejmë këtë çdo ditë…askush nuk dëshiron ta lë shtëpinë e tij derisa nuk janë të detyruar për shkak të dhunës….”, tha ajo.

Presidentja tha se Kosova ka treguar gatishmërinë për të pranuar afganët pa hezitim.

Numri i saktë i afganëve që do të vijnë në Kosovë ende nuk dihet, ndërsa presidentja Osmani tha se kjo ende do të diskutohet.

“…Me shumë gjasë ne do t’i kemi ata më shpejt se që e pritnim… Në fillim menduam se ata do të vinin për disa javë dhe se mund të kemi më shumë kohë për t’u përgatitur…. brenda tri ditëve do të merret vesh edhe për datën e saktë se kur do të vijnë ata”.

Ajo tha se nëse shtetet nuk punojnë së bashku nuk mund të kenë sukses, duke treguar rastin e Kosovës.

“Nëse ne nuk punojmë së bashku nuk do të jemi në gjendje të kemi sukses. Në rastin e Kosovës vetëm kur SHBA-ja, Mbretëria e Bashkuar dhe anëtarët e tjerë të NATO-s ishin së bashku arritën ta mposhtin regjimin e Millosheviçit…”.

Presidentja Osmani në këtë intervistë për BBC u bëri thirrje të gjitha qeverive demokratike që t’ia zgjasin dorën afganëve në këto momente.

“Askush nuk e lë vendin pse dëshiron, por për shkak të dëshpërimit… Nëse Kosova, një shtet i vogël mund ta bëjë këtë, çdo vend tjetër mundet…”.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *