Japoni, pezullohet puna e termocentralit Tokai 2

Autoritetet japoneze kanë vendosur të pezullojnë funksionimin e centralit bërthamor Tokai 2 në provincën Ibaraki në verilindje të Tokios, kryeqytetit të Japonisë, për shkak të mungesës së planeve rajonale të evakuimit.

Gjykata e qarkut ka pezulluar përkohësisht funksionimin e këtij objekti bërthamor të vendosur në bregdetin e Paqësorit.

Gjykatësja Maeda Eiko theksoi se një vendim i tillë është sjellë për shkak të mungesës së planeve të sigurta të evakuimit.

“Sistemet ekzistuese të paralajmërimit të rrezikut nga katastrofa dhe planet e evakuimit janë të diskutueshme”, tha Maeda, duke shtuar se afër 940 mijë njerëz jetojnë brenda një rreze prej 30 kilometrash nga struktura.

Ajo theksoi që komunat e afërta duhet të hartojnë plane të qarta rajonale për evakuimin e popullsisë.

“Situata aktuale paraqet një rrezik konkret që mund të shkelë të drejtat personale të njerëzve që jetojnë në zonat përreth”, tha Maeda.

Centrali bërthamor Tokai 2, i cili filloi funksionimin komercial në vitin 1978, operon nën kujdesin e kompanisë Japan Power Atomic (JAPC). JAPC ka njoftuar se do të apelojë vendimin e gjykatës/AA

PĂ«r t’u bĂ«rĂ« pjesĂ« e grupit “Balkanweb” mjafton tĂ« klikoni: Join Group dhe kĂ«rkesa do t’ju aprovohet menjĂ«herĂ«. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *