“Jashtë ka një rritje katastrofike të çmimit të hashashit, se s’ka prodhim shqiptar”/ Deputeti i opozitës përgënjeshtron Ramën: E pavërtetë! Kultivim galopant këtë vit








Deputeti i Partisë Demokratike, Tritan Shehu, ka reguar në lidhje me deklaratat e kryeministrit Rama ditën e djeshme, se çmimi i kanabisit në tregjet e huaja evropiane ka pësuar një rritje stratosferike për shkak të rënies së prodhimit shqiptar.

rama kanabis

Përmes një postimi në facebook, Shehu përgënjeshtron kryeministrin dhe thekson se ky nuk është një lajm i pavërtetë, pasi kultivimi i kanabisit është rritur në mënyrë galopante këtë vit.

Sipas Shehut kanabisi i këtij viti është ende në përpunim dhe nuk ka dal ende në treg.

Postimi i Tritan Shehut

Rama nuk mund te fshehe “Republiken e Kanabisit”! Siperfaqet e kultivimit jane shtuar me 50% ndaj vitit te kaluar.

Dje ai deklaroi se cmimi nderkombetar i kanabisit qenka ngritur, nga qe prodhimi shqiptar ka rene!! Askush nuk mund ta besoje kete, kur furnizuesit e medhenj te Europes me Kanabis jane vendet e Afrikes se Veriut, pervec prodhimit te vete saj.

Deklaroi se prodhimi shqiptar ka rene nga qe dhe dergesat drejt Italise jane ulur. Edhe kjo eshte nje tymnaje. Kanabisi i ketij viti eshte akoma ne perpunim, perpara se te transportohet. Kjo kerkon edhe disa jave.

Asgje nuk eshte e vertete nga sa tha Rama per Kanabisin. Perkundrazi kultivimi kete vit eshte rritur ne menyre galopante, se bashku me forcimin e kriminalitetit dhe kriminalizimin e metejshem te institucioneve tona pergjegjese, qendrore apo lokale.

Guardia di Finanza perfundon me 31 tetor periudhen e identifikimit te siperfaqeve me kanabis nepermjet fluturimeve per kete vit. Rezultatet e deri tanishme tregojne te kunderten e asaj qe deklaron Rama.

Siperfaqet e kultivimit jane shtuar me reth 50% ne krahasim me vitin e kaluar. Ne Jug, pjesen e Mesme e vecanerisht ne Veri te vendit. Ky eshte realiteti i forcimit te kesaj veprimtarie kriminale.

Kjo eshte edhe si pasoje e “mbajtjes se premtimeve elektorale” te Rilindjes ndaj grupeve kriminale, per mbeshtetjen e tyre gjate zgjedhjeve te 25 Prillit. Shqiperia eshte kthyer keshtu ne nje Republike Kanabisi!

Deklarata e kryeministrit Rama

Ka një rritje katastrofike të çmimit (të hashashit) se s’ka prodhim. E kam parë në një nga raportet, sepse ka kaq kohë që nuk ka as kapje, as nga policia italiane, sepse ka rënie drastike të kultivimit. Ky është shumë lajm i mirë sa më takon mua. Është raport konfidencial. Flasim për shit-blerjen në tregun ndërkombëtar, jo për në Shqipëri. Në tregun e zi ndërkombëtar çmimi ka shkuar në stratosferë. Flasim për furnizmin nga tregu i Shqipërisë.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *